საქართველოს საელჩო პოლონეთის რესპუბლიკაში

საქართველოს ტურისტული პოტენციალის პოპულარიზაციის, ქვეყნის საერთაშორისო ცნობადობის ამაღლებისა და საქართველოსა და პოლონეთს შორის საქმიანი კავშირების გაღრმავების მიზნით, 2026 წლის 2 ოქტომბერს, ვარშავაში, საქართველოს ტურიზმის ეროვნული ადმინისტრაციის ორგანიზებით, საქართველოს ტურისტული პოტენციალის პრეზენტაცია და B2B შეხვედრები გაიმართა. ღონისძიებას პოლონეთში მოქმედი წამყვანი ტურისტული კომპანიებისა და ტურიზმის სექტორის 50-მდე წარმომადგენელი დაესწრო.

პოლონეთში საქართველოს საელჩოს, ვარშავის სპორტისა და ტურიზმის მუზეუმისა და ჭადრაკის საერთაშორისო ფედერაციის (FIDE) ერთობლივი ორგანიზებით, 30 სექტემბერს, მუზეუმში მსოფლიო ჭადრაკის ცოცხალი ლეგენდის, ქალთა შორის ხუთგზისა და საჭადრაკო ოლიმპიადების 11-გზის ჩემპიონის, ნონა გაფრინდაშვილის ცხოვრების, მიღწევებისა და მემკვიდრეობისადმი მიძღვნილი საღამო გაიმართა. ღონისძიებამ საზეიმოდ დახურა პოლონეთის ჭადრაკის ფედერაციის 100 წლის იუბილისადმი მიძღვნილი გამოფენა - „History Written with Pieces”.

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველმა მოადგილემ ირაკლი სასანიამ და საქართველოს საგანგებო და სრულუფლებიანმა ელჩმა პოლონეთის რესპუბლიკაში დიანა ჟღენტმა მონაწილეობა მიიღეს პოლონეთის დედაქალაქ ვარშავაში გამართულ კონფერენციაში — „Beyond Digitalisation – Operating Health Systems with Data, AI and Cybersecurity at Scale“.

საქართველოს წამყვანმა დეველოპერულმა კომპანია „არქიმ“ და საერთაშორისო დეველოპერულმა ბრენდმა „NEXT“ ვარშავაში ერთობლივი გაყიდვების ოფისი ოფიციალურად გახსნეს. ახალი სივრცე The Warsaw HUB-ში განთავსდა, სადაც გლობალური კომპანიების რეგიონული ოფისებია განლაგებული და პოლონეთის ერთ-ერთი ყველაზე მნიშვნელოვანი ბიზნესჰაბია.

საქართველოში ქრისტიანობის სახელმწიფო რელიგიად გამოცხადების 1700 წლის იუბილესთან დაკავშირებით, საქართველოს მთავრობისა და საპატრიარქოს ერთობლივი ღონისძიებების ფარგლებში, ქ. ვარშავას საპატრიარქოს დელეგაცია ეწვია.

ღვინის ეროვნული სააგენტოს ინიციატივით, პოლონური მარკეტინგული კომპანიის People PR-ის ორგანიზებითა და საქართველოს საელჩოს მხარდაჭერით ქ. ვარშავაში ქართული ღვინის მასშტაბური დეგუსტაცია - „Georgian Grand Tasting 2026“ გაიმართა.