ცნობა ნასამართლობის შესახებ
ცნობა მართვის მოწმობის ნამდვილობის შესახებ
ცნობა ქორწინების დამაბრკოლებელი გარემოებების არ არსებობის შესახებ
ნასამართლობის შესახებ ცნობის მისაღებად საჭიროა HTTPS://GEOCONSUL.GOV.GE ვებ-გვერდზე ვიზიტის დაჯავშნა და პასპორტის წარმოდგენა.
ნასამართლობის ცნობა გაიცემა საზღვარგარეთ მყოფ საქართველოს მოქალაქეზე და საქართველოში სტატუსის მქონე მოქალაქეობის არ მქონე პირზე. განმცხადებლის სურვილის შესაბამისად, ცნობა შესაძლოა გაიცეს ინგლისურ ან ადგილსამყოფელი ქვეყნის ენაზე.
გთხოვთ გაითვალისწინოთ, რომ პოლონეთში არსებული პრაქტიკით, ცნობების მოქმედების ვადა შეადგენს გაცემიდან 1 თვეს.
ცნობა გაიცემა 10 დღის ვადაში. მომსახურება უფასოა.
მოქალაქეთა მხრიდან, ნასამართლობის შესახებ ცნობის მიღების დიდი ინტერესის გათვალისწინებით, აღნიშნულ ცნობაზე განაცხადის შემოტანა შესაძლებელია დაჩქარებული წესით. ამისთვის, გთხოვთ შეავსოთ განაცხადი ჩვენს ვებ-გვერდზე, მომსახურების მიღების ფორმაში, კალენდარში თარიღის არჩევის მაგივრად, მონიშნეთ "საფოსტო გზავნილი" და დაასრულეთ რეგისტრაცია.
აღნიშნულ ცნობაზე განცხადებების რიგგარეშე მიღება წარმოებს ყოველ სამუშაო სამშაბათს და პარასკევს 10:00 - 13:00 საათებში.
მართვის მოწმობის ნამდვილობის შესახებ ცნობის მისაღებად საჭიროა HTTPS://GEOCONSUL.GOV.GE ვებ-გვერდზე ვიზიტის დაჯავშნა და შემდეგი დოკუმენტების წარმოდგენა:
-
პირადობის დამადასტურებელი დოკუმენტი;
-
მართვის მოწმობა;
გთხოვთ გაითვალისწინოთ, რომ პოლონეთში არსებული პრაქტიკით, ცნობების მოქმედების ვადა შეადგენს გაცემიდან 1 თვეს.
ცნობა გაიცემა შინაგან საქმეთა სამინისტროდან შესაბამისი დასტურის მიღების საფუძველზე.
ქორწინების დამაბრკოლებელი გარემოებების არ არსებობის შესახებ ცნობის მისაღებად საჭიროა HTTPS://GEOCONSUL.GOV.GE ვებ-გვერდზე ვიზიტის დაჯავშნა და შემდეგი დოკუმენტების წარმოდგენა:
-
პირადობის დამადასტურებელი დოკუმენტი;
-
იმ შემთხვევაში, თუ მომსახურების მიმღები პირი იმყოფებოდა ქორწინებაში - წინა ქორწინების შეწყვეტის დამადასტურებელი დოკუმენტი (განქორწინების მოწმობა, მეუღლის გარდაცვალების მოწმობა და ა.შ.);
ცნობა გაიცემა 10 დღის ვადაში.
